Куттер туралы зерттеу

Узнать стоимость написания работы

МАЗМҰНЫ

КІРІСПЕ

І НЕГІЗГІ БӨЛІМ

1.1.Технологиялық процесс сипаттамасы

1.2. Куттерлер классификациясы

1.3. Құрылғының конструкциясы, жұмыс істеу принципі

ІІ ГРАФИКАЛЫҚ БӨЛІМ

2.1 Куттердің жалпы көрініс

2.2 Куттердің кинематикалық сұлбасы

2.3 Шұжық өндірісінің технологиялық сұлбасы

ІІІ ТЕХНОЛОГИЯЛЫҚ БӨЛІМ

3.1.Технологиялық есептеулер

3.2.Кинематикалық есептеулер

3.2.1 Кескіш білік жетегінің күштік және кинематикалық есептеулері.

3.2.2 Жетектің кескіш білігінің жүзді-белбеулі берілісінің есептеулері.

3.2.3Ыдыс жетегінің есептеулері.

3.2.4 Тиеу механизмі жетегінің есептеулері.

ҚОРЫТЫНДЫ

ҚОЛДАНЫЛҒАН ӘДЕБИЕТ

 

КІРІСПЕ

 

Қазіргі уақытта Қазақстан Республикасында ет және сүт өнеркәсіптерін дамыту еліміздің алға қойған мақсаттарының бірі болып табылады.Өнеркәсіпті дамытудың басты көзі  шикізатты толығымен және тиімді пайдалану, уақытты тиімді пайдаланып, яғни аз уақытта көп көлемді , көп ассортиментті және жоғары сапада өнім алу. Бұл мәселені шешу және оңтайландыру мен қарқындау - ет өнеркәсібін заманға сай ағынды механикаландырылған , автоматтандырылған құрылғыларды орнатып, олардың жұмыс істеу принциптерін жетік меңгеру.

Тамақ өнеркәсібінде ұсақтау - өте маңызды процестердің бірі. Ұсақтау деп механикалық кұштер әсерiнен материалдардың бөлшектерге бөлiну процесiн айтамыз.Ол процесс қатты материалдарды бөлшектерге бөлу арқылы өндіру барысында биохимиялық және диффузиялық процестердің жылдамдығын арттыру сонымен қоса қалдықтарды өңдеу кезінде қолданылады.Егер бөлшектердiң өлшемдерiне белгiлi бiр пiшiн берiлмей ұсақталса оны ұнтақтау немесе ұсақтау деп, егер бөлшек өлшемдерiне белгiлi бiр пiшiн берiп кiшiрейсе оны кесу деп атайды.

Етті жұқа ұсақтау үшін куттерлеу процесі қолданылады.Ал бұл процесс куттерде іске асырылады.Куттер— шұжық өндірісінде етті ұсақтау үшін, піскен шұжықтарға, сосискаларға және сарделькаларға арналған фарш дайындауда қолоданылатын, шикізаттарды біртекті етіп майдалап, оны басқа құрауыштармен араластыратын машина. Олардың үстел үстінде немесе еденде орналасқан, ашық және герметикалық, ортақ бір электрқозғалтқышы бар және бөлек жетекті кескіш білігі мен ыдысы бар, қос бағытты және тек бір бағытта айналатын кескіш білікті, бір,екі немесе үш жылдамдықты немесе сатысыз жылдамдықты кескіш біліктері бар, өнімді қолмен немесе механикалық түсіргіштермен, қолмен немесе программамен басқарылатын түрлері болады.Куттердің мұндай көп түрлілігі оның функционалдық мүмкіндіктерін көтеріп қоймай, сонымен бірге алынатын фарштың сапасының жоғары болуын қамтамасыз етеді.

Кері айналмалы(реверсті) және кескіш біліктің айналу жылдамдығын өзгертіп отыратын куттерлер көмегімен фаршты біртекті массаға келтіріп араластыруға болады.Бұл жағдайда кескіш біліктің жылдамдығы төмен болуы керек, ал араластыру оның артқы қайралмаған жағымен іске асады.

Фарштың сапасы кескіш біліктің айналу жылдамдығына тікелей байланысты: ол неғұрлым жоғары болса, соғұрлым куттерлердің қолданылу аймағы кең болады.Мерзімді әрекетті куттерлерде пышақ саны екіден кем емес.Пышықтардың конструкциясын таңдау барысында ыдыстың ішкі жағы мен кесетін шетінің арасындағы саңылаудың кішкентай болуына көңіл аударылады. Куттердің ыдысын қолмен немесе арнайы тиеу құрылғылары арқылы тиейді.Мерзімді әрекетті куттерлерде өнімді қолмен , ыдысты аудару арқылы немесе түсіргіш тәрелкелер немесе қырғыштар көмегімен тығыны бар орталық тесіктен өткізіп арбашыққа түсіреді.

Ашық типті куттер қақпағы бар ыдыстан, орақ тәрізді пышақтары бар кескіш біліктен және жетектен тұрады.Кескіш білік жүзді-белбеулі беріліс арқылы 1500...5000 жиілікте айналады, ал бұрамдық беріліс ыдыстың өзінің 6...40 жиілікте айналуын қамтамасыз етеді.

Куттерге тиелген шикізат айналғыш ыдыс көмегімен кесу аймағына үнемі беріліп отырса, тез ұсақталады. Ұсақтау дәрежесі куттерлеудің ұзақтығына , пышақ санына және өткірлігіне байланысты болады.Процесс барысында куттерге су немесе мұз түйіршіктері салынады.Осылайша фарштың рецептурасы бақыланады, температурасы төмендеп, бір қалыпты болады.

Куттерлеу процесі аяқталған кезде фарш арнайы механизммен ыдыстан түсіріледі.Олардың ең қарапайымы - ыдысқа түсірілген жазық жалғастырғыш көмегімен. Айналу барысында фарш жалғастырғышқа тіреліп, ыдыстың шетімен қойылған сыйымдылыққа түседі.Мұндай механизм ыдысы төмен сыйымдылықтағы куттерлерде болады.Ал ыдысының сыйымдылығы 100л-ден асатын куттерлерде түсіру үшін тісті берілісті, электрқозғалтқыштан айналатын тәрелке орналастырылады.Айналған кезде тәрелке фаршты ыдыстан астауға лақтырып отырады.

Қазiргi куттерлердiң жаңа тұрлерi жоғары өнiмдiлiктi машиналар болып табылады. Бұл куттерлерде алдын-ала волчокта ұсақталған өнiммен қатар, мұздатылған iрi ұлкен кесектi өнiмдi алдын-ала және соңғы ұсақтап, араластыруға болады. Оларды пiсiрiлген, қақталған шұжық өнiмдерiнiң өндiрiсiнде фаршты дайындау ұшiн қолданады.Әмбебап куттерлер ет тартқышты, араластырғышты, куттердi, микроҰсақтағышты толығымен алмастыра алады. Ал олардың кейбiреулерi қалыптайтын, вакуумдейтiн және пiсiру құрылғысымен жабдықталған. Олар жоғары өнiмдiлiктi процестi автоматтандырылған жұйемен басқарумен, пышақты бiлiк пен тостағанның жетектi құрылғысының ұлкен диапазонды өзгермелi айналыс жылдамдығымен жабдықталған.

 


І НЕГІЗГІ БӨЛІМ

1.1Технологиялық процесс сипаттамасы

 

Пісірілген шұжықтар - қабыққа(оболочка) салынған , қуыру , пісіру және салқындату процестеріне қатысатын татымдықтар мен шпиктен тұратын және тағы да басқа қоспалар қосылған ұсақталған ет . Олар ерекше дәмі мен иісі бар, серпімді консистенцияға ие болып келеді.

1-сурет.Пісірілген шұжықтың жасалу технологиясының машина-аппараттық желісі. 1-Жібіту камерасы; 2-обволка үстелі; 3-жиловка үстелі; 4-таразы; 5-волчок; 6-технологиялық үстел; 7-астаулар; 8-жетілу камерасы; 9-куттер; 10-шпик кесуші; 11-вакуумды шприц; 12-технологиялық үстел; 13- батондарды байлауға арналған құрылғы; 14-рама; 15-термокамера.

Шұжық жасап шығару үшін ең алдымен шикізат салқындатынған немесе қатырылған күйде , кесілген күйде ұша әкелінеді.Қатырылған күйдегі ұшалар арнайы құрылғыларға салынып, 18-20 °С- та, 90-95 % ауа ылғалдылығында , 0,5-1 м/с ауа жылдамдығында жібітіледі.Ол процесс 18-20 сағат іске асырылады.Одан кейін жинақтау камерасына жібереді, цикл ұзақтығы 0 – 4 °С-та, 7-8 сағат, ауа ылғалдығы 90-95%.Етті механикалық бұзылулар мен көгеруінің алдын ала отырып таразыда өлшейді.Содан соң ет тоспалы жол арқылы бөліктерге бөлініп, кесіледі.Обвалка стационарлы үстел үстінде жүзеге асырылады.Сонын кейін жиловка жасалады, яғни ет дөрекі жалғастырғыш тканьдері мен ұлпаларынан (сіңірі,байламдары,т.б) , май ұлпаларынан , майда сүйектер мен шеміршектерінен, қан тамырларынан, лимфа түйіндерінен ажыратылады.

Шикізат қайтадан өлшенуге таразыға жіберіледі.Сонан соң торының диаметрі 25мм болатын волчокқа жіберіледі, етке тұз қосылады.Әрбір 100кг етке 2,5 кг тұз қосылады.Сөйтіп, 10 минут араластырылады.Етті арбашаларға салып, тұздау камерасында 0.. .4 0С - та 24 сағат сақталады.Бұл камерада еттің ақуызы физика-химиялық қалыпы өзгеріп, функционалды-технологиялық қасиеттері өзгереді.

Фаршты дайындау.Куттерге сиыр еті, ас тұзы, натрий нитриті, фосфаттар, карагинан, су мен мұз бөліктері, гель салынады да , 3-4 минут куттерлеу жүреді.Сонан соң шошқа еті қосылып, АМЭ , татымдықтар, су және мұз қосылып, куттерлеуді бітіруге 30 секунд қалғанда шпик қосылады.Жалпы куттерлеудің ұзақтығы - 10минут.Фарштың ақырғы температурасы - 12°С.

Куттерлеу кезінде реологиялық, органолептикалық, технологиялық көрсеткіштері сақталған су мен ақуыз-май эмульсияларының біртектілігін беретін механикалық ұсақтау процесі жүреді. Шикізатты гомогенизациялау кезінде оның морфологиялық құрылымы бұзылып, саркоплазмалы және миофибриллярлы ақуыздардың экстракциясы, еруі жіне гидротациясы, май ұсақталуы, су байлануы, құрылымдық ақуыз матрицасының пайда болуы, араласу және қызу жүреді.

Ет эмульсиясын алу мен ұсақтау процесі үш фазада жүреді.Біріншіден, тканьдердің клеткаларының механикалық бұзылуы жүреді, ет талшықтары бұзылып, ішіндегілері ағып кетеді. Ақуыздардың су эмульсиясына экстракциялануы жүреді.Екінші фазада - бұлшық ет ақуыздары ісініп, етке қосылған су дың байлануы жүрып, ақуыз-эмульсия матрицасы пайда болады.Ал үшінші фазасында - май майда дисперсті май шарларына дейін ұсақталып, эмульсияға айналады. Сонан соң фарш куттерден түсіргіш тәрелкелер арқылы астауларға салынады.Сөйтіп фаршты шщприцке оның қабылдағышы арқылы салады. Мұнда фарш 1,1 ОМПа қысыммен қабықтарға(оболочка) , клипсатор арқылы қабыққа клипстер салынады.Сонан соң шұжық батондарының салмағы өлшеніп, рамаларға бір-біріне тимейтіндей етіп салынады.

Рамалар термоөңдеуден өту үшін термокамераларға жіберіледі. Бұл кезде өнімнің дәмі мен сапасына тікелей әсер ететін физика-химиялық , ферментативтік, биохимиялық, құрылымдық қасиеттері өзгереді. Шұжық өнімдерін жасанды қабықшаларында пісіру - көпсатылы негізгі процесс болып табылады. Термоөңдеуден кейін душ астында 8 – 15° С температурада салқындату жүреді.Бұл процесс -10-15 минут. Сонан соң өнімді салқындату камерасына ауада 0-8 °С -та салқындатуға жібереді. Сонан кейін дайын өнімді жәшіктерге салып , сақтау камераларына жібереді.


1.2 Куттерлер классификациясы

 

Куттерлердің өнімділігіне, көлеміне, функционалдығына байланысты әр түрлі маркалары болады.Оларды таңдау өндіріс түріне және куттердің қанша орын алатынына тәуелді.Сонымен қатар куттерді орналастыру барысында оның электр желісіне жақын болуын және оның кернеуі 380В-тан кем болмауын қадағалау керек.

 

 

1-кесте.Куттерлердің техникалық сипаттамалары.

 

Көрсеткіш

 

Л5-ФКБ

 

Л5-ФКМ

 

ВК-125

 

 

Өнімділігі, кг/сағ

 

 

2250

 

1200

 

1300

 

Ыдыс сыйымдылығы,м3

 

 

0,250

 

0,125

 

0,125

 

Ыдыстың тиелу коэффиценті

 

 

0,4...0,6

 

0,4...0,6

 

0,7...0,8

 

Пышақ саны

 

 

3

 

2

 

1...6

 

Цикл ұзақтығы , мин

 

 

4...7

 

3...5

 

4...6

 

Пышақтың кесу жылдамдығы,м/c

 

 

80

 

65

 

13...130

 

Орнатылған қуаты,кВт

 

 

50,23

 

30,63

 

132

 

Габаритті өлшемдер,мм

 

 

3600х2150х2300

 

3000х1850х1800

 

3500х3400х1790

 

Масса,кг

 

3180

 

2200

 

4800

 


Л5-ФКМ куттері шикізатты өте жұқа ұсақтауға арналған.Мұнда температурасы -1 ден +5-ке дейін тоңазытылған, массасы 0,5кг-нан аспайтын ет бөліктерін, сонымен бірге өлшемі 190x190x75 мм болатын, -8°С -ден төмен емес температурада мұздатылған ет жиынтықтарын ұсақтауға болады.Куттер тұғырдан, ыдыстан, бұрамдық редуктордан, кескіш білік пен жетектен, түсіруші мен тиеу механизмінен, қақпақтан және электроқұрылғысынан тұрады.

 

2-сурет. Л5-ФКМ куттері.

 

ВК-125 вакуумды куттері алдын ала ұсақталған немесе кесектелген қайнатылған, мұздатылған, қатырылған еттен және майдан жасалған жоғары сапалы фаршты дайындауға арналған.Ол кескіш білік пен ыдыстың электрқозғалтқышы бар тұғырдан, кескіш біліктен, қақпақтан, түсіру механизмі мен су дозаторынан, вакуум және басқару жүйелерінен тұрады.Ыдыстың айналуы екі тіркеу жылдамдығы бар айнымалы ток электржетегінен іске асады.Кескіш білік үшін кері бағытты айнымалы ток электржетегі қолданылады.

3-сурет.ВК-125 куттері.

 


Л5-ФКБ  куттері өте жоғары өнімділік пен қуаттылыққа ие, электр энергиясын көп қажет етпейтін куттер түрі.Оның ауданы онша улкен емес, сондықтан өндіріс желісінде көп орынды алмайды.Бұл куттерді піскен шұжықтардың барлық түрі үшін, сосискалар мен сарделькаларға, жартылай немесе шикі ысталған шұжықтарға арналған шикізатты ұсақтау үшін қооланады.Куттер шойын тұғырдан, сыйымдылығы 250л ыдыстан, кескіш білікті жетектен, ыдыс жетегінен, қақпақтан, пышақтан, тиеуші мен түсірушіден, электрлік схемадан және басқару пультінен тұрады.

 

4-сурет.Л5-ФКБ куттері.

 

 


1.3 Құрылғының конструкциясы, жұмыс істеу принципі.

 

Куттер типі - атмосфералық қысымда (ашық күйде) жұмыс жасайтын түрі.Куттердің тұғыры шойыннан жасалған екі бөлек қуыстан тұрады.Олар өзара болттармен бекітіледі. Тұғырдың төменгі жағында берік бекітілген плиталарда кескіш білік пен ыдыстың электрқозғалтқыштары , жоғарғы жағында кескіш жетегі, ал диафрагмасында ыдыс білігінің бұрамдық редукторы орналасыд. Кескіш білік тұғыр корпусындағы мойын тірекке (подшипник) орнатылған. Кескіш біліктің оң жағында оның қозғалуы үшін шкив, ал сол жағында , ыдыстың астында кескіш бастары бар пышақтар болады.

Ыдыс жетегінде вертикальды орналасқан бұрамалы редуктор болады.Ыдыс бұрамалы редуктордың қақпағындағы подшипникке сүйенеді.Түсіру механизмінің конструкциясы бір жағында - жетек электрқозғалтқышы бар, бір жағында - түсіргіш құбыры бар цилиндрлі редуктордан тұрады.

Корпус ішінде тәрелкенің төтенше жағдайында түсіру механизмін өшіріп отыратын электромагнитті муфта болады.Куттердің кесу аймағы арнайы қырғыштары бар қақпақпен жабылып тұрады.

Су дозаторы ыдысқа таза су беріп отыратын электрқозғалтқышы бар насостан, суөлшерден және электромагнитті клапаннан тұрады. Тиеу механизмінде куттерге шикізатты тасымалдауға арналған арбашасы және шойын тұғырғы орнатылған төңкеру механизмі болады. Ал төңкеру механизмінде тұтқалар(рычаг) желісі орнатылады. Басқару пультінде тұғырдың оң жағындағы арнайы кронштейнге орнатылған басқару панелі бар шкаф болады. Күш аппараттары, автоматика мен электрқондырғыларын қорғаушы элементтері тұғырдың қуысында орналасады. Тұғырдың диафрагмалары арнайы резеңкелі қақпақпен жабылады.

Жұмыс істеу принципі. Куттерді іске қосар алдында оның санитарлық жағдайы, пышақтарының өткірлігін және кескіш білікке берік орналасуын қадағалайды. Сонан соң қорғаныш қақпағын түсіріп, болттар көмегімен рамаға бекітіп, оны қосады.Куттердің қосылуы "Пуск" батырмасының көмегімен іске асады. Айналым электрқозғалтқыштан жүзді-белбеулі беріліс арқылы кескіш білік пен кесуші механизмге беріледі. Бір уақытта осы электрқозғалтқыштан бұрамалы беріліс пен муфта арқылы айналым куттердің қабылдаушы ыдысына беріледі. Кейін шикізат біркелкі жылдамдықта ыдысқа тиеледі. Куттердің ыдысы 25 айн/мин жиілікте айнала отырып , шикізатты кесуші механизмге жібереді және шикізат тез айналатын серповидті пышақтармен ұсақталады. Шикізат кесуші механизмнен қайта-қайта өту арқылы толығымен біртекті ұсақталады. Куттерлеу кезінде қорғаныш қақпағының ішкі жағында орналасқан қырғыш ыдыс шетіне шығып кеткен шикізатты ортасына қарай ысырып отырады.

Куттерлеу - жеңіл, ұзақтығы шикізат түріне байланысты 2-4 минут болады. Процесс кезінде фарштың толығымен иленуі үшін жүйелі түрде мына операциялар іске асырылады: алдымен етті тиейді, 1-3 минуттан соң су құйылып, мұқият араластырылады, сонан соң татымдықтар , ұн немесе крахмал, т.б. қосылады. Шұжықтың арна йы сорттарына куттерлеу бітуіне 1 минут қалғанда шпик қосылады.

Процесті аяқтау үшін "Стоп" батырмасын басады.Содан кейін дайын фаршты қолмен немесе арнайы құрылғылармен түсіріп алады. Куттерлеу біткен соң толығымен санитарлық өңдеу жүргізіліп, куттер жуылып кейін құрғақ матамен сүртіледі.


ІІ ГРАФИКАЛЫҚ БӨЛІМ

2.1 Жалпы көрініс

 

5-сурет.Л5-ФКБ куттерінің жалпы көрінісі.

 

Техникалық сипаттамасы

1 Өнімділігі , кг/сағ 2250

2 Ыдыс сыйымдылығы,л 250

3 Жүктеу коэффиценті 0,6

4 Айналым жиілігі ,с

пышақтар 26,50

ыдыс 14,55

5 Электрқозғалтқыштың кескіш білігінің қуаты,кВт 4,15

6 Бекітілген қуаты, кВт 44

7 Габариттік өлшемдері, мм 3600х2150х2300

8 Машина массасы, кг 3180
2.2 Куттердің кинематикалық сұлбасы

 

 

 

6-сурет.Кинематикалық сұлба

 

Куттердің кескіш білігінің кинематикалық сұлбасы:

1.Электроқозғалтқыштар

2.Сына-белдікті беріліс

3.Редуктор

4.Ыдыс

5.Шығару тәрелкесі

6.Пышақ басы

7.Кескіш білік
2.3 Шұжық өндірісінің технологиялық сұлбасы

 

 

7-сурет.Технологиялық сұлба

 

Шұжық өндіру өндірісінде куттердің қатысуымен болатын технологиялар реті:

1.Конвейерлі үстел

2.Ет тартқыш

3.Фарш араластырғыш

4.Фаршқа арналған сорғы

5.Арба

6.Шпик кескіш

7.Куттер

8.Эмульситатор

9.Араластырғыш

10.Арба

11.Көтергіш

12.Шприц

13.Технологиялық үстел

14.Канка

15.Әмбебап термоагрегат

16.Душтық қондырғы

17.Контейнер
ІІІ ТЕХНОЛОГИЯЛЫҚ БӨЛІМ

3.1.Технологиялық есептеулер

1.Өнімділігі.Куттердің техникалық өнімділігі  оның белгілі бір уақыт аралығында толығымен пайдалану арқылы қол жеткізілген максимальды өндірістік мүмкіндіктері.Ол мына формуламен анықталады:

 

Wт =Wп× τ (1)

 

Мұндағы: Wп - паспортты өнімділігі,

τ- жұмыс уақытын пайдалану коэффиценті.

 

Wт =Wп×τ = 2,25 × 0,8 = 1,8т/сағ

 

2.Меншікті электрсыйымдылығы. Меншікті электрсыйымдылығы куттердің өнімділігіне кеткен энергия шығыны.Оның формуласы:

 

Nмэ = N /Wт (2)

 

Мұндағы:N- қуаттылығы,кВт.

Wт- техникалық өнімділігі,т/сағ.

 

Nуд = N /Wт = 50/1,8 = 27,8 кВт

 

3.Меншіктіматериалсыйымдылығы. Меншікті материал сыйымдылығы - куттердің массасының оның өнімділігіне қатынасымен анықталатын , пайдалы эффект алу үшін кететін материал ресурстарының шығыны.Формуласы:

 

Ммм = m /Wт (3)

 

 

Мұндағы: m - куттер массасы,т

WT - техникалық өнімділігі,т/сағ.

 

Муд = m /Wт = 3,18/ 1,8 = 1,76

 

4.Габариттілігі.Куттердің габариттілігі оның өлшемдерінің өнімділігіне қатынасымен анықталады:

 

Г = L× B ×H/ Wт (4)

L – ұзындығы,м

B – ені, м;

H – биіктігі, м;

Wт – техникалық өнімділігі, т/сағ

 

Г = L × B × H / Wт = 3,6 × 2,15 ×2,3 /1,8 = 9,89 м3

 

 

Көрсеткіш

Л5-ФКБ

Техникалық өнімділігі, т/сағ

1,8

Меншікті электрсыйымдылығы, кВт

27,8

Меншікті материалсыйымдылығы

1,76

Габариттілігі, м3

9,89

 

 

 

 

 

 

 

 

2-кесте.Есептеу нәтижелері

 

Куттердің нәтижелік сипаттамалары.

Жасалған есептеулерге байланысты Л5-ФКБ куттері жоғары өнімділікке ие және фарш дайындау үшін өте тиімді болып келетіні туралы анализ жасалды.


3.2Кинематикалық есептеулер

3.2.1 Кескіш білік жетегінің күштік және кинематикалық есептеулері.

 

Бастапқы деректер: кескіш біліктің кинематикалық сұлбасы(6-сурет), ИСП-М101 маркалы электрқозғалтқыш, қуаты Р0=44кВтжәне электрқозғалтқыш білігінің айналым жиілігі n0=2945 айн/мин , кескіш біліктің айналу жиілігі n1 = 2650айн/мин.

 

8-сурет.Кескіш біліктің кинематикалық сұлбасы.

 

Жетектің ПӘК-і мына формуламен анықталады:

 

(5)

Мұндағы: η1, η2- белбеулі беріліс пен подшипник ПӘК-і, әр берілістің өз ПӘК-і тұрақты мәндерге тең.

 

(6)

Белбеулі берілістің беріліс саны анықталады:

 

(7)

 

Әр біліктің бұрыштық жылдамдығын(ωі), рад/с мына формуламен табамыз:

(8;9)

 

Жетектің әр білігінің қуатын Pi , кВт анықтау:

 

(10)

 

Әр біліктің айналдыу моменті, Ті , Н*м

 

(11)

 

(12)

3-кесте.Жетек сипаттамасы.

 

Түрі

Айналым жиілігі

n, айн/мин

Бұрыштық жылдамдық

ω, с-1

Қуат

P, кВт

Айналу моменті

Т, Н*м

Электрқозғалтқыш

білігі

 

2495

308,24

44

142,74

Кескіш білік

 

2650

277,37

41,4

149,23

 


3.2.2 Жетектің кескіш білігінің жүзді-белбеулі берілісінің есептеулері.

 

Берілгені: электрқозғалтқыш қуаты, Т0=142,74 Н*м, жетекші біліктің айналым жиілігі n0=2945 айн/мин, жетектегі біліктің айналым жиілігі n1=2650 айн/мин.

Алдымен жетекші шкивтің диаметрін d1.мм анықтаймыз:

 

(13)

d1=180

 

Жетектегі шкивтің диаметрін d2 табамыз:

 

(14)

 

Мұндағы: ɛ - белбеудің тартылуы үшін сырғанау коэффиценті,%, ɛ = 0,01.

 

(15)

Стандарт бойынша d2=200мм деп аламыз.

 

ɛ-ні қойып, беріліс санын u1p анықтаймыз:

(16)

 

Біліктің бұрыштық жылдамдығын ω, рад/с анықтау:

(17)

 

Айырмашылықтарды δ , % салыстырып, есептеу:

 

(18)

 

 

Айырмашылық мәні 1,66%-ға тең, ол рұқсат етілген мәннен төмен(±3).Сондықтан, d1 =180мм, d2 =200мм болады.

 

Осьаралық қашықтық ар, мм интервалын мына формуламен анықтаймыз:

 

(19)

 

Мұндағы :Т0 - белбеу қимасының биіктігі, Т0=10,5мм.

(20) Конструктивті жағынан қарай отырып, алдын ала ар=800 мм деп аламыз.

 

Белбеудің есептік ұзындығын L,мм анықтау:

 

(21)

 

Стандарт бойынша L=2400 мм деп аламыз.

 

L мәнін қойып , ар-ны табамыз:

 

(22)

 

Мұнда

 

(23)

(24)

 

Кіші шкивтің қаптама бұрышының α1, ° мәнін табу:

 

(25)

 

Пайдалану талаптарына сәйкес екі ауысымды жіне жеңіл режимдердегі жұмыс коэффиценті Ср=1,3.

 

Белбеу ұзындығы L=2400мм ескерілсе, коэффицент: CL=0,92.

 

Қаптама бұрышы α=177,16 саналса , Сα=0.98 шиеліскен ролик орнатылғаны ескерілсе, коэффицент 0,1 - ге көбейеді.

 

Берілістегі белбеу саны ескерілсе, жұмыс режимінің коэффиценті CZ=0,85 болады.Белбеу санын Z мына формуламен анықтайды:

 

(26)

Шамамен Z=12 деп аламыз.

 

Жүзді белбеудің тармақтарының тартылуы, F0 , Н:

 

(27)

θ - центрден тепкіш күштің әсері ескерілетін белбеу қимасына арналған коэффицент, θ=0,18 Н·с22;

υ - жүзді белбеудің берілістегі жылдамдығы, м/с;

 

(28)

 

Білікке түсірілетін қысым FB, Н формуласы:

 

(29)

Шкивтардың ені, ВШ, мм:

 

(30)

 

Мұндағы e , f - жырашық өлшемдері, мм.

 

 

(31)

 

 

 


3.2.3Ыдыс жетегінің есептеулері.Ыдыс жетегінің кинематикалық және күштік есептеулері.

 

Бастапқы деректер: ыдыстың кинематикалық схемасы, қуаттылығы P0=2.8 кВт электрқозғалтқышы, электрқозғалтқыш білігінің айналу жиілігі n0=1500айн/мин.Алдымен жетектің ПӘК- ін табамыз:

 

(32)

Мұндағы: ŋ1 ŋ1 - сәйкесінше белбеулі беріліс, подшипниктер, бұрамалы беріліс пен муфтаның ПӘК мәндері.

 

 

 

Белбеулі берілістер байланысын u1 анықтау:

(33)

 

9-сурет.Ыдыстың кинематикалық сұлбасы.

 

 

Бұрамалы берілістер байланысын u2 анықтау:

 

(34)

 

Әр біліктің бұрыштық жылдамдықтарын ωі табу формулалары:

 

 

Әр біліктегі айналым жиілігін ni , айн/мин табу формулалары:

 

(35)

 

Әр біліктегі қуатты Pi кВт анықтау:

 

 

Жетектің әр білігіндегі айналым моментін Ті, Н*м табамыз:

 

 

 

4-кесте.Жетек сипаттамасы

 

Біліктер

Айналым жиілігі,

n, айн/мин

Бұрыштық жылдамдық, с-1

Қуаты ,

Р ,кВт

Айналым моменті ,

Т, Н*м

 

Электрқозғалтқыш білігі

 

 

1500

 

157

 

2,8

 

17,83

 

Тез жүргіш білік

843,75

88,31

2,69

30,44

 

Жай жүргіш білік

14,55

1,52

2,1

1385,67

 

Ыдыс білігі

14,55

1,52

2,06

1357,96

 


3.2.4 Тиеу механизмі жетегінің есептеулері.Тиеу механизмі жетегінің кинематикалық және күштік есептеулері.

 

Берілгені тиеу механизмінің кинематикалық сұлбасы, қуаты Р0=1,5 электрқозғалтқыш, электрқозғалтқыш білігінің айналу жиілігі n0=1400 айн/мин.

10-сурет.Тиеу механизмінің кинематикалық сұлбасы.

 

Жетектің ПӘК - ін ŋ мына формула арқылы анықтауға болады :

 

(36)

Мұндағы ŋ1, ŋ2 , ŋ3 - сәйкесінше белбеулі және бұрамалы берілістер мен подшипниктердің ПӘК мәндері.

 

(37)

 

Берілістер қатынасын анықтаймыз:

 

 

Әр біліктің бұрыштық жылдамдықтарын мына формулалармен анықтаймыз:

 

 

Әр біліктің айналым жиіліктерін ni , айн/мин анықтаймыз:

 

 

 

Әр біліктің қуатын Рі , кВт анықтаймыз :

 

 

Жетектің әр білігінің айналым моментін Ті , Н*м келесідей табамыз:

 

 

 

 

 

 

 

 

4-кесте.Жетек сипаттамасы

 

 

Біліктер

Айналым жиілігі,

n, айн/мин

Бұрыштық жылдамдық, с-1

Қуаты ,

Р ,кВт

Айналым моменті ,

Т, Н*м

 

Электрқозғалтқыш білігі

 

 

1400

 

146,53

 

1,5

 

10,24

 

Тез жүргіш білік

1400

146,53

1,44

9,73

 

Аралық білік

70

7,33

1,21

163,74

 

Жай жүргіш білік

2,19

0,23

0,95

4149,74

 

 

ҚОРЫТЫНДЫ

 

Бұл курстық жоба шұжық өнімдеріне арналған фаршты ұсақтап, дайындап шығаруға арналған Л5-ФКБ маркасының куттері туралы зерттеуге арналды. Жоба 28 беттен , 4 бөлімнен , 12 бөлімшеден тұрады. Онда құрылғыға жалпы сипаттама , жұмыс жасау принципі , оның технологиялық және кинематикалық есептеулері жазылып , сонымен қатар басқа марканың куттерлеріне де сипаттама жасалды. Алдымен куттерлеу процесінің жасалуы , түрлері мен тиімділігі туралы айтылып , зерттеуге арналған марка басқа маркалармен салыстырылды. Графикалық бөлімде көріністерімен таныстырылды. Таңдалған куттер маркасының қаншалықты тиімді болатынына есептеулер жүргізіліп, жетектерінің кинематикалық есептеулері жасалды. Салыстыруға алынған куттер маркалары : Л5-ФКБ , Л5-ФКМ , ВК-125 , берілістер: бұрамалы, сына-белдікті .

 


ҚОЛДАНЫЛҒАН ӘДЕБИЕТ

 

1. Расхн В.А. Панфилова, В.Я. Груданова"Машины и аппараты пищевых производств" Книга 2, том 1 2008 жыл, 289-292 беттер;

2.А.А. Курочкин, В.В.Ляшенко "Технологическое оборудование для переработки продукции животноводства" 2001 жыл, 314-316 беттер;

3.Интернет желісі: http://e-lib.kemtipp.ru ;

http://www.jupitervrn.ru/cutter_l5fkb.stml;

https://www.dvak.ru/item-6.html

http://cutter-snab.narod.ru/kut98fkb250.htm

Источник: портал www.KazEdu.kz

Каталог учебных материалов

Свежие работы в разделе

Наша кнопка

Разместить ссылку на наш сайт можно воспользовавшись следующим кодом:

Контакты

Если у вас возникли какие либо вопросы, обращайтесь на email администратора: admin@kazreferat.info